ياقلب انا بلشت بك .. وين اوديك ؟؟=شيبت بي ياقلب .. من صغر سني
اسعى وراك .. وخيب الله مساعيك=من طيبتك .. ماشفت .. غير الهبني
ياكثر ماتجـني .. عليه هقاويك=من حسن ظنك .. بالبشر ساء ظني
اعطيك غيري .. لجل مايحتفظ فيك=وترجع تقول : اللي خذاني طعني ..!!
طيب شسوي بك .. ؟.. وهذي امانيك=اللي جرالك منك .. ماهوب مني
تسد باب .. وتنتفح لك .. شبابيك=وكل ماتهزك عاصفه .. تمتحني
بلشت بك .. بلشـة هل الديك ، بالديك=اللي بغى يذّن .. واصبّح يغني ..!!
تسري ورى النية ( واتولِي ) مساريك=حتى قتل صبحك ( ظــلام التبني )
الى هنا وآقول ..( بسّك ) .. ويكفيك=رد الكلام .. ووصل العلم عني
ماني تبع هذي ، ولاني تبع ذيك=لاجا الصحيح ... اثنينهن يتبعني
الشآعر & خلف المشعآن &