بسم الله الرحمن الرحيم
( من الأرشيف )
هذه القصيده قيلت أثناء قيادة العميد// معزي عبدالله الشريهي الشمري للعمل اللذي يعمل فيه صاحب القصيده // محمد خلف الزايدي الخمعلي
وكان هذا القائد من خيرة الناس ومن المنصفين للأفراد بالعمل تحت إدارته وأثناء إجازاته وغيابه عن العمل لظروف صحيه كان هناك من يخلفه بالعمل ولكن للأسف
يوجد إنتهاز فرص وتلاعب بالأوامر الصادره منه وعدم المبالاه بظروف الأفراد وأحترام مراتبهم الوضيفيه :
بعض الأوامر يالشريهي وجع راس=عوجٍ تلـوّى والغشامـه سببهـا
ياغبت عنا وضعنا بسـاع ينحـاس=لو هي بسيطه غير تكثـر نشبهـا
من قلة التصريف ماهي على ساس=كـلاً تحيّـن فرصتـه وأكتسبهـا
قومٍ تغط الحـق وتـداري النـاس=وقومٍ تجيب السالفـه مـع ذنبهـا
وقومٍ تموه لونهـا عـدة أجنـاس=عجزت أعرف الصاحيه من جربها
وقومٍ تكن الغيض وتعض الأضراس=وإن شاف غلطه في رفيقه قضبهـا
وأحدٍ يشيل من الغثا ماله قيـاس=ماذاق حالـي والمـراره شربهـا
يفطن لها من كان له عقل وإحساس=والآ البليـد يشوفـهـا ماحسبـهـا
تحياتي وتقديري للجميع,,