ليلها ليل المدينه شوارع والبقيه سمنت = والنخل هذا العزيز المغترب بين الشوارع
العزيز انهان مثل السيف صار بكف بنت= عقب يمنى الشيخ تلعبه دلع والراس فارع
ياسجين الارصفه ياذا النخل وش جابك انت=ياالنخل منهو غدربك تربتك ولا المزارع
الوفاء طبع الثراء وانت الوفي مايوم خنت=لو تجف عيون ماه تموت به والطول فارع
من نفاك ومن سبا الحلوة لسور وقال زنت=من سكن بعدك ثراك وصار له ماضي مضارع
منهو الي جاك زائير شاف وضعك كيف شنت=غير عامل ماعرف قدرك سقاك الماء وسارع
بين عمدان الاناره مختفي لو عاد بنت =صرت زينه وانت واضح منت باالتمثيل بارع
أيه انا مثل اغترابك بس انا بعدك سكنت = ولا لقييت الا انت فيها للشقاء مثلي تصارع
شفت ناس اشكالها واحساسها كتله اسمنت=والقلوب الله يعافينا خذت لون الشوارع
للشاعر.. - سالم هندي العنزي