[خلف الغريب]

المشاركة الأصلية كتبت بواسطة محمد خلف الزايدي

بسم الله الرحمن الرحيم

الترجمه داخل النص

حنـا كبرنـا والجهـل فـات دوره=وكنا غلطنـا يسمحـون المعازيـب
الشايب أول تاخـذ النـاس شـوره=واليوم منسي مايـودي ولا يجيـب
طلع علينـا جيـل رايـه بـزوره=يصفق بها مابين شـرقٍ وتغريـب
حب المظاهر غايته هـي سـروره=يتعب على السمعه وقرب المناصيب
عـزي لنـاسٍ تايهـه ومغـروره=اللي تراث جدودهم عندهـم عيـب
من فضل ربـي خايبـه ومعثـوره=على طريق مضيعيـن المواجيـب
مدري علام الوقت جاعت صقـوره=وطير الرخم بالصيد يدمِ المخاليـب
دنيـا الفنـا ياجاهـلٍ فـي امـوره=لـو زانـت الأيـام فيهـا مقاليـب
فيها حكيـم الـرآي يفقـد شعـوره=كيف الثعالب طامعه في عشاء الذيب
الله يعـز المعتـزي بأخـو نـوره=اللي حماهـا بالسيـوف المحاديـب
أعداه تضحك والكبـود محـروره=عرقى عليها حاميـات المشاهيـب

تحياتي للجميع

العزيز والشاعر الكبير ابو عبدالله..

لا استطيع ان اصف شعرك الا بالسهل الممتنع ..

جزالة وسلاسة تسهل على الشخص فهم القصيدة والارتواء من الشعر الحقيقي غير المتصنع ..

شهادتي مجروحة بك يا ابو عبدالله ..

عـزي لنـاسٍ تايهـه ومغـروره
اللي تراث جدودهم عندهـم عيـب
من فضل ربـي خايبـه ومعثـوره
على طريق مضيعيـن المواجيـب
مدري علام الوقت جاعت صقـوره
وطير الرخم بالصيد يدمِ المخاليـب
دنيـا الفنـا ياجاهـلٍ فـي امـوره
لـو زانـت الأيـام فيهـا مقاليـب
فيها حكيـم الـرآي يفقـد شعـوره
كيف الثعالب طامعه في عشاء الذيب


ابدعت والله يا ابو عبدالله ..

هنيئا لنا بك في ويلان ..

تقبل تحياتي..