[عايدالعنزي]

المشاركة الأصلية كتبت بواسطة صالح السالم

لو يطول الدرب ما نسأل عن وعور ومسافه=ولو يطول الصبر ما تصعب على عزومي مراقي
كم سنه وانا انتظرها عدل ما فيها التفافه=والسنين اعجافها طول ولا حولي اعتاقي
كل ما غرد حمام الحلم فوق الغصن عافه=وكل ما مد السحاب ايديه ما جاله وفاقي
وكل ما ابحر مركبي بالموج عاد الى ضفافه=وكل ما عاد الضفاف البحر عاد الى العماقي
عاد ماني ملحقٍ للي مضى مني حسافه=بس جعله ما يعود لي الى يوم التلاقي
من صغر سني وانا في قسوة الوقت وعجافه=ساكنٍ فيني مرار الوقت حتى بمخ ساقي
صدق والفت الحزن واليوم كيف ارجع وعافه=واصعب الايام يوم فيه تفريق وفراقي
وان لحقني من صدوف الوقت وأيامي كلافه=منهجي من سالف ايامي الى هالوقت باقي
ارفع اكفوفي لرب الكون وسأله اللطافه=يالله انك لا تخيب هقوتي لا صرت هاقي

الشاعر الجزل

صالح السالم

ورب الكعبه ابدعت ياولد خالي

النقد لهذه الشامخه اعتبره منقود

دمت مبدع في عالم الشعر

صح لسانك وعلى شانك

تحياتي

وتقديري