اقتباس:
المشاركة الأصلية كتبت بواسطة نادر بن دوشان
الله يقويـك ويكثـر لـك أحبـابـك=تستاهل أكثر وانا أستاهـل أحزانـي
ابقى على شوق فحضورك وفغيابـك=وأنته تغيب وتروح اليـوم بالعانـي
تدري بأن الحزن بادي من أسبابـك=والحب قاضي على قلبي وشريانـي
عشنا حياة المحبـة والغـلا شابـك=روحين ما تفرق الأول عن الثانـي
أرخيت مسمعـك للعـذال وإنتابـك=مشاعر الكبر,وإنـي فيـك شفقانـي
كرامتي فـوق مـا تهتـز لحسابـك=حتى لو أعيش باق العمر وحدانـي
وهالحين بعد الفراق المر وش جابك؟=توك عرفـت الخطـا ولا تحدانـي
ماني بسايق قدم رجلي علـى بابـك=تستاهل أكثر وانا استاهـل أحزانـي
,,,,
|
صح لسانك وبداية قويه تدل على شاعر قوي
صح لسانك وقصيدة جزله فلاحرمنا الله
هذا التواصل المميز من شاعر له هذه الروح الشعريه الجميله
فائق الود والتقدير اخوي ابن دوشان