اقتباس:
المشاركة الأصلية كتبت بواسطة حمد الخمعلي
صباح الخير لكل من مر هنا
عديت بالمرقاب حول ضحويه=في راس مملمومٍ من النزل خالي
ارقبت والمرقاب خطرٍعليه=وخطرٍعلى اللي حالته مثل حالي
شالتني الاقدام هاذي وذيه=وعديت به ونا من الضيق سالي
ومديت دربيلي على كل نيه=ابغى التسلي والتسلي حلالي
لكنها صارت عليه قضيه=هيضني المرقاب من ضيق بالي
ذكَّر علي ايامنا الاوليه=ايام عشناها بعصرٍمضالي
يوم الرعيه جنب ذيك الرعيه=وبيت الشعر والبرق حوله يلالي
وصوت العرب كلٍ ينادي خويه=والنار مشبوبه لصفر الدلالي
سوالفٍ تطرب لها اهل الحميه=وكلٍ يخيل المزن من كل جالي
ورزيم خلفاتٍ بوقت العشيه=لثوروها لحلبها للرجالي
وصوت الربابه والهجيني سويه=من الطرب كلٍ يحذف العقالي
هذا الطرب ذي الحياه الهنيه=هذ منات العمر باول وتالي
وعوت من رجم الضحى بالخليه=والدمع من عيني على الخد سالي
لاعاد مرقابٍ ذبح نفس حيه=في راس ملمومٍ من النزل خالي
احترامي للجميع |
الشاعر الفاضل.
حمد الخمعلي.
صح لسانك ملايين والله يعطيك العافيه.
رائعه من رائع يكفي ان فيها ذكر الماضي ومافيه من اصاله والتي قد ندر وجودها في هذا الوقت.
شاعر جزل اخوي حمد ودمت بهذا الابداع.
تقبل تحياتي ومروري المتواضع.
اخوك محمد العنزي.