اقتباس:
المشاركة الأصلية كتبت بواسطة عناد الغريب
الغايب اللي له معزه بالضميـر ولـه قـدر=اقدره لو كان ضرفه ماحشـم مـن قـدّره
ينمو غرامه في غيابـه ويتمـدد بالصـدر=واذبح سلاطين زعلي بالعفو عند المقـدره
احفض غلاه بغيبته لو ياخذ غيابـه دهـر=وحلفت له ماخون حبه لين ازور المقبـره
بنيت له قصرآعلى ذوقه وسيسانـه حجـر=وسعت له صدري وقلت اسكن ولي المفخره
الفاتن الطرقا العنود الغاده المـوت الحمـر=المترفه وام الدلع وتعريف مشـي البختـره
الصدر تعريف البطر ولا المجاعه بالخصـر=تلبس عباة المسلمه وانا اقـول مخصّـره
وياجرح قلب عناد لاوصلت لتوصيف النحر=اللي كما لون الشحـم لاجـاه دم ودمـّره
لاهو بياضآ ناصع ولاهو حمر مثل الجمـر=متخالط اللونيـن فيـه الله لايضـر نحـره
والعنق عنق غزيلآ قبل التفاتـه ينهصـر=من طول عنقه يلتفت بشويش خايف يكسره
والمبسم الله لايعوق بشـر ماعنـه خبـر=ادوخ لاوصلت لوصف مبيسمه ليش اذكره
وباقي عيونه والمهند والحواجب والشعـر=يبغا لهن صفحه جديده لاجل نرسم منضره
|
نص شامخ
صح لسانك مدد بلا عدد
ولاهنت يالقرم على الرائعه
دمت بخير وبانتظار جديدك