اقتباس:
المشاركة الأصلية كتبت بواسطة ناايف
يالعيون اللي بها سكر البـلا=ذقت انا سم الحياة وحرت فيك
ياعذاب القلب يومـه تسـدلا=عدت ما اميز بهذي من هذيـك
مانسيـتـك يعـلـم الله لاولا=بعت نفسي ياغـرام الا عليـك
لك هواي وكل شوقي والغـلا=ولك عليه كل ما تبغي يجيـك
بك اناالعاشق انـا الهايـم ألا=لك انا من باع نفسه مشتريـك
ما يكفينـي اذا شفتـك هــلا=ولايداوي علتي كود ارتويـك
قلبي المبلي عن ضلوعي جلا=اذكره اعلـن رحيلـه متليـك
بعدها يا شوق مـا ادري بالمـلا=ليت للعشاق قاضي واشتكيـك
اسألـك بالله ياريـم الـفـلا=مقدراشكي من جفاك الا اليـك
غيبتك عنها خفوقـي يسألا=ولو تباعدتي بهوجاسي اجيـك
|
اخي الكريم.
نايف.
ياهلا ومرحبا فيك بين اخوانك والله يحييك.
وصح لسانك والله يعطيك العافيه على هذه الرائعه شاعريه جميله وعذبه دمت بهذا الابداع ونتطلع الى كل ماهو جديد لك اخي الكريم.
دمت بكل الخير وتقبل تحياتي.
اخوك محمد العنزي