اعزائي اعضاء وزوار شبكة ويلان
السلام عليكم ورحمة الله وبركاته
كما عودتموني على الوفاء سوف افي معكم
بالتواصل انشاء الله ولكن ياخواني الجود من الماجود ....
( والمعذره ياهل الوفا كان قصرت )
يالله ياللي تفرج الهـم والضيـق = تفرج لمن غيظه بنفسـه خنقهـا
افتح لي أبواب الرضا والتوافيـق = ياعازلٍ ليل الدجى عـن شفقهـا
أطلبك عفوك يوم جمع المخاليـق = يوم الآوادم سابحـه فـي عرقهـا
ومدققـه كـل الملفـات تدقـيـق = طويت صحايفهـا وختـم ورقهـا
وبعد طريقي عن طريق المطافيق = اللي أبليس مـن الآوادم عشقهـا
أهل النمايم فاسديـن الطواريـق = خلايـقٍ ماخافـت اللـي خلقهـا
ناسٍ تكن الحقد وسـط المعاليـق = تظهر محاسنهـا وتخفـي بهقهـا
تزرع شجرة الحسد وسط الزماليق = على خراب الدار تحمـل فشقهـا
اللي على حش المقفـي مشافيـق = سود القلوب اللي خبيـثٍ رفقهـا
فريس هرج وباللـوازم مدانيـق = معـادنٍ غطـى عليهـا صنقهـا
اللي كذا قصده ومسعـاه تفريـق = كلمـه يصنفهـا وكلمـة لحقهـا
لاتامنه لو صام وصلى التشاريـق = لاتصدقـه لـو الشهـاده نطقهـا
تراه لو عاهـد يبـوق المواثيـق = يظهر رضى نفسه ويخفي حمقهـا
وليا نصحته صدق النصح تصديق = عينه تناظـر لكـن الأذن صقهـا