اقتباس:
|
المشاركة الأصلية كتبت بواسطة سالم بن جخير
الصبر زين وكل مطرود ملحوق= دام النجوم العاليات بسماها
ياهاجسي برفوق لاقلت برفوق= ماهيب لحية علها ياعساها
ولاهيب لحية وين غيبت ياشوق= ولاهيب لحية مت انا من غلاها
هجس القصيد يتوق صوبي وانا توق = بسم الله الرحمن في مبتداها
رعادها رعاد وبروقها بروق= لامن حداها الشاعر اللي حداها
كان القصيده بنت عزٍ وغرنوق = حلـّـيبها حلــّيبها لعنباها
لاجاتني حطيتها داخل الموق= والله يحييها ويحيي نباها
لها علي حقوق وانا لي حقوق= ولاّ بلاش امن القصيد وبلاها
مانيب اعدلها على كل طاروق= الين اجنّنها وابيح خفاها
الفكر شاشة عرض والقلب صندوق= يعني على ماقيل بير وغطاها
ياهل الوثايق جاكم العلم موثوق= نصيحةٍ ياخذ بها من قراها
ترى النصيحه كان في ساحة السوق= معروف بايعها على من شراها
لو كل روضٍ به خزامى ورقروق= محدٍ شكى الدنيا ودورة رحاها
والمنخنق لا قال مانيب مخنوق= تشهد عليه العين لاهل ماها
والحر يخدم دام له وكر وسبوق= ولا الحديا عيبها في حدها
والرجل فعل وطيب موقف ومنطوق= والمفلس اللي مايحصل حداها
لاتبدي اسرارك على كل مخلوق= الناس ماتدري وش اللي وراها
عليك باللي طلعهم دايمً فوق= اللي عن الزلات تكرم لحاها
خلك عسر وارقى على كل شاهوق= وسلم على اللي لارقاها رقاها
واحذر تخاوي من تجرد عن الذوق= اللي بزلات اللسان يتباها
تلقاه بين الكذب والزور والبوق= وباقي علومه كلها ماخزاها
ياعوق يابعض الرجاجيل ياعوق= اللي تثوّر بندقه في اخباها
|
الله عليك اخوي سالم
قمة الحكم والروائع
صح لسااانك مليوووون
اعجابي هنا
تحياتي لك