اقتباس:
المشاركة الأصلية كتبت بواسطة نفاع العنزي
مساكم وصباحكم خير
.
إذا خسرت المال ..لا تتعب الحال = تضيق يوم .. ويوم تلقى رحابه
الموت لا صارت مخاسيرك رجال=ورجال من ساسك .. بدم وقرابة
أخلاقهم ماتت .. وهم عاشوا أزوال = ويا شين زولٍ ما يعيش المهابه
هنا تمنى لو مخاسيرك أموال= هنا يضيق الكون ..حزن وكآبة
هنا يخيب بدنيتك حلم .. وآمال= هنا جروحك .. مع بعضها تشابه
يا قسوة الدمعة على خد رجال=فيها تحس الموت زاد اقترابه
فيها تحس إن الزمن جاك .. يختال = يسوق لك خيله وطعنة حرابه
يسوق لك جوره على صوت موال = يقلب لك الدنيا دمار وخرابة
هنا ..أنا واقف على شرفة الجال = هنا..صدى صوتي وأحس بعذابه
هنا .. وقفت أستعرض قصار وطوال = هنا أترجمها بشعر وكتابة
في ذمتي ما كنت في يوم محتال=ولا مشيت بدرب غيري مشابه
ولا شقى قلبي عنا قلة المال = نسيت همه يوم غيري شقابه
يزول هم وهم باقي ولا زال = همٍ سطا في خافقي وإلتجابه
همي حياة أخلاقهم والزمن طال =والوقت ياخذهم بصمت ورتابة
تباعدت خطواتهم عني أميال = بالعمد جوها ليه ؟ يا للغرابة
حزني عليهم بدّل أحوالي أحوال = وخوفي عليهم ما حديهم درابه
جالس حزين وعلقم الهجر قتّال = وزوّد على حزني ونين الربابة
( ولو تاقف الدنيا على موت رجّال ) = كان وقفت عصر النبي والصحابة
. |
صح لسانك
لله درك على هالقصيده الرائعه اخي نفاع العنزي
فعلا رائعه من شاعر مبدع
دمت ودام هذا الحضور المميز