كريم الجعفري
ياسلام الله على شعب الكويت وحاكمينه = من هجوس الشاعر اللي من ديار في دياره
البدايه راعي الفكره عسى تسلم يمنيه = شيخ علم وشيخ حلم وراس قوم وبيت اماره
فارس الهاجري
مرحبا بك عند شيخ طول الله في سنينه = شيخنا اللي ياعميلي زود الله في وقاره
كل شي ياعميلي تعرفونه عارفينه = وادري ان النار ياكريم بدايتها شراره
كريم الجعفري
بارك الله فيك والعلم الوفي متقاسمينه = والليالي القاسيه يوجد بها ربح وخساره
لاتشب النار مابين الديتر والمكينه = انت يالسواق خلك نبه لاجيت الاشاره
فارس الهاجري
كان ماتدحم بزندك وانت ظلوعك متينه = راحت الدنيا عليك ولاكسبت من التجاره
احسب انها نار تالع واثرها برد وسكينه = مايطوفون الاشاره غير اهل كرت الزياره
كريم الجعفري
لاتسرع بالسوالف كل شي خابرنيه = يومها قول وفعل ندحم ونحتل الصداره
لاتضايق بارك الله فيك ركاب السفينه = السفينه هددوها بالغرق والانكساره