[منصور الرويلي]

[poet font="Arial,18,white,normal,normal" bkcolor="purple" bkimage="" border="solid,4,indigo" type=2 line=200% align=center use=ex length=0 char="" num="0,black" filter=""]
0
يقولون عند المواجه ( عيون الرجال حراب ) = وأنا عشقي لنظراتن يشرفني مشاهدها
أجي كلي لها عاشق وأدوّر للقبال أسباب = على نية وفا صادق على الموقف معاهدها
وأذا هابوا لقا الموقف ؟ أجي له صاملاً ماهاب = شجاعٍ أمشي الخطوة من أدناها الى أبعدها
0
[/poet]

[poet font="Tahoma,13,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أمــل عـمــري ؟

.

يقولون الرجال ( عيون الرجال حراب ) = وأنا لي نظرةٍ تقرأ نظرهم قبل يقراني
قريت بنظرة الساخر ؟ وقريت بنظرة الاعجاب = وتهجيت بنظر شاعر مشاعر نبض وجداني
من أول مابديت ألمح عيونٍ باللقا ترتاب = عرفت الخوف وش يعني ؟ وهذا سر رباني
كتمت البوح في صمتي مشاريه وشقا وعتاب = هجيت الحرف يمدحني ؟ مدحت الحرف يهجاني
وأذا للمحبه أسباب ؟ أنا حبي بليا أسباب = أنا عشقي نزيف الجرح ولاعرف منهو الجاني
أحس بخافقي صرخه تزلزل من صداها هضاب =وأخاف أبوح لاصحابي قبل يدرون عـدواني
تعبت أمــيّـز العالم ( من الصادق ؟ من الكذاب ) = وصدِْمت بواقعٍ قاسي قتل حلمي وتحناني
أجيه بصادق النيه : أجيه ولا حسبت حساب = وعمري ماحسبت حساب دربي وين وداني ؟
دخيلك يازمن أرحم .. دخيلك يازمن منصاب = ضِحْك منك الغبي ( معجب ) وضحكة منك بكــّـاني
غريبه يازمن أمرك ؟ تفرقنا وحنا أقراب = تغربنا .. وتبعدنا .. وكلن يكرة الثاني
وأنا كلي فدى النظرة من الحاجب الى الاهداب = فديتك ياأمل عمري ؟ فداك الشعر وأشجاني

0

منصور الـرويلي

17 / 8 / 1426

[/poet]