.
.
.
.
.
.
.
.
حلّ عنّي !!
ما بقى فيني ملامح !
للغموض إن صار
واضح
ما بقى عندي إجابة
للسؤال اللي طعنّي
...........
صدّق إنّي
كثر ما اضحك من زماني
صرت محتاج ابتسامة
تنتشلني
من مكاني !!
............
ما تخيّل
كيف هذا العمر يصبح
كلمةٍ تاقف
على شفة غيابك
ما تزحزح
لين هذا الليل
يصبح !
................
تدري اصعب شي فالدنيا على الإطلاق وش هو ؟
غيبتك عنّي ؟
سكوتك ؟
ذكرياتك ؟
أغنياتك ؟
دمعتك بينك وبينك ؟
دمعتك
في وسط عينك ؟
ضيقتك مني ؟
عتبك إن زاد عن حدّه ؟
حنيني ؟
غيرتك في أكثر الأوقات
منهم ! ؟
الزعل منّي علي بدون داعي ؟
لا أبد !
ماهيب هذي !
أصعب الأشياء على الإطلاق
لا منّي فقدتك !!!!
الشاعر(( زايد الرويس ))