[خلف الغريب]

المشاركة الأصلية كتبت بواسطة غريب الشمال

ياشيخ لاتـقـراء عــلي لوتـكــرمــت = الـلـي تـيـبي تـقـراه قبلك قـــريته
ياشيخ ابا علمك وانت اللزم الصمت = ايـلـيـن اغـلـق مــن كـلامٍ بديته
البــارحـه يـاشـيخ عقب العشاء نمت = يــوم ان كـلاً نـايــمٍ وســـط بـــيـته
مــدري حـقـيـقـة عـلم والاتـحـلمــت = خــلـــي لــقــانـي بـالـمــنـام ولقيته
عـقــب الغيـاب اللي ذبحـني وهايمت = جـانـي وانــا قــبـل يجـي ماحتريته
اقـبـل عـلي وانانـطـحـتـه وسـلـمـت = وصـافـح يمـيني فـي يـمـيـنه فديته
وناضر وانا اناضر وسـلهم وسلهمت = وشــربـت مـن بحر الغرام ورويته
وغـيــم سـمايــه فـي وجـوده وغيمت = الـلـي بـلانـي بــالـغــلا وابـتـلـيــتـه
يـالـيـتـنـي طـولـت نــايــم ولاقــمــت = وكــل الشهـر نـا يــم ومعها قضيته
وصـحـيـت لياهـو حلـم ليل وتحطمت = وقــمــت اتـخـيـل زوله اللي رئيته
لولاي في عـزمي وصبرـي تحيزمت = انـهــارت اعـصـابي وجـيبي فريته
يــاشــيخ لاتـقــراعــلي لـوتــكـــرمت = داي ودوايه كلهـن عـنــد(000000)

اخوي غريب الشمال ..

صح لسانك ومشاعر جميلة وعذبة وقصيدة لا تستغرب بهذا المستوى الجميل ..

يـالـيـتـنـي طـولـت نــايــم ولاقــمــت .. وكــل الشهـر نـا يــم ومعها قضيته

وصـحـيـت لياهـو حلـم ليل وتحطمت .. وقــمــت اتـخـيـل زوله اللي رئيته

لولاي في عـزمي وصبرـي تحيزمت .. انـهــارت اعـصـابي وجـيبي فريته

وللأحلام مع العشاق الف قصة وقصة ..

وهاهو الشاعر الجزل عايد بن ضافي الجلوي الضوي رحمه الله يعيش معاناة اخرى مع الحلم تذكرتها وانا اقرأ ابياتك الجميلة ..واحب أهديها لك وللجميع وهي من ضمن قصيدة طويلة ..

انا البارحة لافي لفاني على فراشي=عزيز عزاه القلب وانحت مطاريشه
صديق رفيق عاش وقته ولا عاشي=ولا دامت الدنيا ولا دامت العيشة
ورحبت به ترحيبة الروض برشاشي=بعرية شعيب ممحلات مفاريشه
علوم تفرحني وتصبح على ماشي=الله يخون الحلم ما اكثر دراديشه
هيض غرام القلب وان قمت ماهناشي=وكبدي تلهف بين حزن وتعطيشة
تنبهت من نومي ولا انهيت مطراشي=قبل حمار الصبح تبدي غطاريشه
حلوم كما فلم على لقطة الشاشي=بعبر الاثير وصار بالقلب تشويشه
اجاهد حزون القلب والراس منداشي=كما اللي يبي يثقل القرطاس بالريشة