السلام عليكم ورحمة الله وبركاته
اعتذر لكم اخواني اعضاء هذا المنتدى عن سبب تأخيري لدخول لحكم الظروف
وكلي امل بأن تقبلو عذري
اخوكم
سلطان العنزي(حل ٍ وترحال)
وبالمناسبه اقدم لكم هذه القصيده المتواضعه اتمنى ان تحوز على رضاكم
@@ البــدووو@@
بديت باسمه غافر ٍ كل مذنوب=بأسمه نسمي كل صبح ومغيبي
اقفت بي ادروب ٍ وردتني ادروب=وادروب ودتني ولاهي بتجيبي
مكتوب لي درب القهر آآآآه مكتوب=ومكتوب لي حب ٍ ابليا حبيبي
وقعت في حب ٍ واثاريه ملعوب=انا اشهد ان القلب طاح ابقليبي
لاقلت احبك قال ماحبك ابنوب=واقفا مروح لا حشا مادري بي
ولامن نشدته وين قالت لي اقروب=حسبي يقول افلان اقرب قريبي
اثره يعاني بكلمته جمعت اشعوب=وانا غشيم ٍ طيبتي هي معيبي
قالت بدو كلامكم مابه اسلوب=حتى الحضاره تجهلك كالغريبي
قلت اسمعيني قبل لاتصبح احروب=ولا انكوي بنارك ولا تنكويبي
حنا بدو مانكشف اللي ورا الثوب=نصبر على جمر الزمن واللهيبي
لامن حكينا حكينا كله اعذوب=وافعالنا يابنت فعلن عجيبي
لامن مرضنا لاحشا مالنا اطبوب=شوفت مشب النار داي وطبيبي
ومنهو يزعلنا سرينا له اركوب=يصبح على شر ٍ ويمسي صويبي
حكامنا من غرب مع شرق وجنوب=وشعارنا التوحيد ماهو صليبي
ودامك على قولتك ماعندنا اسلوب=شكواي للي رحمته ما تخيبي
وسلامتكم