[quote=علي السابل;243633]أهديها الى شاعرنا العذب رابح الغضيان ..
الكون زحمه و اعقل الناس مجنون=واكبر مساحات العقل تمتلي شات
كنا عرب واللي نزل دونا دون=واليوم صار الحي كله عمارات
والمجد للي بالملاسن يفوقون=والماضي الحاضر و ما فاتهم مات
طفل الشعر بيدين الايام غليون=يلقط ضلوعه من عنا الوقت جمرات
يا شاعري لو ضاق بانفاسك الكون=غن بفضاك وخلهم للفضاءات
لوتنثر حروفك عبث صارت لحون=لو تنظم انفاسك شعر صارت ابيات
تكتب فرح فيك الحزانا يغنون=تكتب حزن تشب نار المعانات
دامك شعر لا تجلس بكرسي الهون=لا تمتطي للمجد صهوة علاقات
دام انت ثابت قل لهم وش تمنون=ماني بحاجه ادفع لعرفي اثبات
رابح وغيري بالمواجه يخسرون=ليا اعتزيت بعزوة ترفع الذات
خل الفقر يشره على صيت قارون=وحلم الثرى يوصل صفوف المجرات
]الاخ علي السابل
قصيده مكثفه في معانيها
والمطلع مجنووووون0
الكون زحمه و اعقل الناس مجنون=واكبر مساحات العقل تمتلي شات
الكون زحمه و اعقل الناس مجنون=واكبر مساحات العقل تمتلي شات
الكون زحمه و اعقل الناس مجنون=واكبر مساحات العقل تمتلي شات
لا عددمناك وابداع في ابداع00