°~*¤®§(§ شبـــكة ويــلان العـربـيـه §)§®¤*~ˆ° - عرض مشاركة واحدة

**المسيكي** · 19/09/05, (02:13 PM)

.................................................. ...........

.................................................. ...........

عزاه ياقلب همومه قزنّه=والعين عيت عن لذيذ المنامي
من يوم إن سهوم الهوا غربلنه=حطّن عليه من الشقا والغرامي
ياويل حالي دام قلبي كونّه=والروح راحت مايفيد الكلامي
ياوجد حالي وجد منهو رمنه=ارماح العدو بالنار وقت الزحامي
أربع اسهومن بالحشا واطعننه=ماله جدا ياكود صبر وكتامي
ماتوحي إلا جض صوته وحنه=حن الخلوج اللي غدت بالمضامي
اللي ولدها مات يوم انتشنه=سباع الخلا يوم اودعنّه اشمامي
غديت مثله والليالي اغصبنه=اصبر على فرقا حبيبي دوامي
وجروح قلبي جايحه ولوعنّه=يوم ٍ بثر يوم ٍ وعام ٍبعامي
ظروف وقته خالفن ماعطنه=ادرى واداري خايف من الملامي
أخاف هرج اللي لسانه يسنه=اهل البلايس والعلوم الخمامي
اهل الردى واهل الوجيه المصنه=اللي غدو من فوق كل الزوامي
يالله عساهم في جنون المجنه=يالله عساهم بانهيار وحطامي
وعمار ياوقت ٍ مضى فيه فنه =بعصر الرجال اللي تشد الهمامي
تاريخهم افعولهم سجّلنه=ابهارها والبن وايضا الشوامي
ولاحل ضرب السيف بقطيّهنّه=يشهد لهم بالكون حد الحسامي
ليا ارتخى حبل الرسن والأعنه=وكلن يشد شدادها والمسامي
ماهي سوالف بالردى والمظنّه=ولاهي علوم ٍ مثل راس النعامي
موت ٍعلى وضح النقا ويقدنه=علوم الفخر والطيب تعطي لزامي
ليتي حضرته والعيون اشهدنه=لو راح عمري فيه باول عوامي
هذي هواجس داخلي ويحدنّه=روابعن بالبال مثل الحلامي

فهد عبدالعزيز السبيعي العنزي

..............................

..............................