أخواني وخواتي قلت هذه القصيده امل أن ترضي ذائقتكم ....
واخص أخوي خلف الغريب .....
البارحه يوم ان بدى الليل ليلين = قبل علامات الفجريطلعني
كتبت جزل القاف من خاطرٍ زين = قامن شياطين الشعر يحضرني
هاض الضمير وزايد الفكر يملين =أبيات من فكري عليه طرني
تحاضرن عندي الوف وملايين = مثل البحور العايمه يا زمني
والله لو أبغا لا اصلح دواوين = دام القوافي با الحشا يزهمني
من بدع تفكيري ولا أخذتهن دين = أرزم رعدهن والمزون أمطرني
ماهن عريه من يدين الضعيفين = أطوع القيفان ولا يعصني
لي عادةٍ أخذ عليهن براهين = أفوز بسباق الشعرياحظرني
الشعر له أسلوب وفن وقوانين = لعبت باوتاره و هن جاوبني
عسفتهن عسف الصعب با الميادين = ياما على بيض الورق طاوعني
علامة أستفهام ما بين قوسين = وساس التعجب يخلف الظن عني
اللي أنتقد قصيدتي قبل يومين = نقدك ترى يا الحريزيد فني
ذاك الفقيري من رجالاً كريمين = ربعاً بهم ياجيت ماخاب ظني