السلام عليكم ورحمة الله وبركاته :
هذي اول مشاركه لي وانتظر ردودكم وان شاء الله تعجبكم وتردون بدون مجامله
سر ياقلم واكتب عن جروح دنياي =لخـــص حياتي يا قـلـــم بالكتابـــــه
عمر الليالي ما تحقق بها منــــــاي =ماجــور يا قلباً نزف فـــي صوابــه
ما من صديق اشكي له اهموم بلواي=هذا الزمن صــار العدو بالقرابــه
ياقلب لا تبين مصيبتك لعــــــــداي =اصبر على جور الزمن مع عذابه
انا ادري ان الهم واضح بمبداي =وعيوني الثنتين همــي رسا بـــــه
يا وقت هذا اللي حصل.. وشو الجاي =يا ليت ندري وش يخفي غيابـــــه
ليت الليالي علمتني بمســـــــراي =او ليتها ترجع لوقتٍ مشابـــــــــه
يا قلب مالك بالفرح ضاع رجواي =حتى الفرح يا قلب مقفول بابـــــــه
يالله دخيلك من له اليوم شكواي =حتى القلم جف الحبر والكتابـــــــه
وسلامتكم