اقتباس:
المشاركة الأصلية كتبت بواسطة حمد الوايلي
ماغاضني ياصاحبي سوء الاخبار=اللي بقلبي كاتمه عدة اسنين
اصبر واجامل والقهر داخلي نار=والجرح يكتب في حياتي عناوين
مادامني مخلوق لي قلب واغار=غصبٍ علي مااردها دمعة العين
صدق الحياة امرار تروي لك اسرار=وتفضح قصص وسط القلوب المساجين
هذا النصيب وماجرى قسمة اقدار= نرضى بها لو غصب مااحنا براضين
الحب بلوا والنتيجه به اضرار=مسكين يلي تطرد الحب مسكين
واللي ترك له داخل القلب مقدار=باكتب غلاته في جميع الدواوين
والشوق لامنه طرى داخلي ثار= وانسابت الابيات بيتين بيتين
واحن وافكر على شط تذكار=واداوي العلات ياراحتي وين
من واقع الدنيا تناقلت الامرار= ماكني الا عاشق الهم والبين
اسير مابين الاماني والافكار=واطارد الاحلام طرد المقفين
والقصة اللي مابعد حلمها صار=اروي حدثها باغلب العسر واللين
|
حاولت اقتباس بيت او اكثر لكن ابت مشاعري إلا ان تكتب كل القصيده واسمح لي شاعرنا القدير
ان اختلس منها ابيات لترافقني ,,,
الشاعر حمد الوايلي,,, سلمت يمينك على الرائعه ,,,