اقتباس:
المشاركة الأصلية كتبت بواسطة ماجد الجعفري
الأخوة والأخوات في هذا الصرح الرااقي
اليكم هذه المتواضعه والتي امل أن ترضي ذائقتكم الجميله
بناء على طلب الأخ الغاالي سعد النفج ..
وارضاء لكل الذين عاتبوني على الغياب وتسائلوا عن جديدي
متمنيًا ان اكون عند حسن ظن الجميع
.................
.
.
يامن تقول اني مع الحب مشقيك =قلي وش اللي حاصلٍ لك ومزعجك
لا تنحرج مني انا منك وفيك = ولاظن تحرجني ولاني بمحرجك
انت الذي باضلاع صدري مغطيك= سبحان منهو بين الاضلاع مولجك
وبالأربع الحجرات بالقلب مأويك = تعال شاهد هيئتك مع نموذجك
تشبه قوام الدم بالعرق مجريك= مع الخلايا الحمر والبيض مازجك
يعني حيااتي واقعه بين اياديك = وشلون قلي بقطع الوصل واسهجك
والا اتجرى واجلب المر واسقيك= وانا وعدتك للشقا ما أدرجك
روحي اعاديها اذا هي تعاديك =ولا ارضى بشييٍ يامناايه يهيجك
فلاتعتقد اني مع الوقت ناسيك =أشعر بحبك وافهم اليوم منهجك
وأشفق عليك وكل مابي يحييك= وان قست حبي مع محبتك بفلجك
قلبي بنبضه يا حبيبي يناديك= واذني تبي تسمع عذوبة تغنجك.
والعين تسعد كل ماجت تراعيك =وتعانق الأفراح حزة توهجك
يعني اختصار القول ماقوى اخليك= ولا اقوى أفارق بسمتك مع تبهجك.
ويحرم علي اقول ابعد ولا ابيك =مدام قلبي غصب عني تولجك.
أبطلب الله خالق الكون يحميك=و من كل همٍ جاك جعله يخارجك
لاني على كل المخاليق مغليك.=واحس ربي وسط هالروح دامجك.
لاتشتكي مني ولا تذيع خافيك.= من وسط قلبي مستحيل أني أخرجك.
واللي تريده ياهوى القلب بعطيك= بعطيك روحٍ ياعساها تعالجك.
واناعلاجي شوف حضرة معاليك.= واجلس بقربك ياهوايه واهرجك
|
وبعد طول انتظار يعود لنا الشاعر الرائع
ماجد الجعفري
بمعزوووفه اجمل من الموسيقى
قصيده رائعه وكل بيت يمثل كلمه الشعر ويحتويه
صح لسانك شاعرنا الرائع قصيده تهز المشاعر
لو بحثنا عن الشاعريه بمكان نجدها تختبئ بين الابيات الرائعه الي اتحفتنا فيها
جزاله وابداع يشد متلقي هذا النص الباذخ بالمعاني الرائعه والراقيه
اتمنى لك كل التوفيق
بنتظار جديدك واتمنى انه مايطول انتظارنا
والشكر للاخ الفاضل الشاعر سعد النفج لطلبه النص واشكرك اخوي ماجد على تلبيه طلب متابعين قصائدك
تحياتي واعجابي
دمت بخير
