[علي السابل]

المشاركة الأصلية كتبت بواسطة صالح الضويحي

اسعد الله اوقاتكم بالخير والمحبه ..والشكر والتقدير لـ كل من شرّفني بـ حضوره ..

فجر الأماني غير..واحكايتـك غيـر=ياهل تـرى للغيـر باقـي مسيـره؟
كنت أحسب أن "الغير " ضمن المسايير=أثره مقيم ولا علـى الأرض غيـره
عن السمـأ يالغيـم .. لاتنشـد الطيـر=أنشد غبـار الأرض .. مـن يستثيـره ؟
بين المواجع .. والمدى .. والتباشير= صوت الضمير .. وهالقصيد وعبيره
واللي بصـدري واردات .. ومصاديـر=طعـون وقتـي .. كـثّـر الله خـيـره
مااقدر أكابر.. وأدخل الصـف.. وأثيـر=غيـرة أمـم ..والطاولـة مستـديـره
أنا كذأ ربي خلقنـي .. كـذا أصيـر=ياشرهة الوقـت التعيـس .. الأخيـره
أبقتـل الأحسـاس ..وأغطـي البيـر=وأردم حوانيـت القصـور الوثيـره
قبـل يمـد الكـأس كـف المقاديـر=على القرين اللي مصيـري ..مصيـره
ماقلت لك يالهم ..تصبـح علـى خيـر=تـوي بديتـك ..ياطويـل المسـيـره
لو ما أنت بأحساسي تعيد الأساطيـر=طويت صفحـات الحيـاة القصيـره
شف كيف ..رزمات الورق ..والطباشير؟=وشف كيف.. تغييب السيوف الشطيره!
هنا.. غيابك له علـى الكثـر تأثيـر=وهناك.. لك في " ندرة الشي " سيره
وأنا لك الله.. ماوصلـت المحاذيـر=دمي شرب ( غيم السما) من غديـره
أقراء تفاصيل الوجيه المسافير=وأفـز للطيب وفاء.. وأسـتـشــيـــره
صمتي حزن.. يعني حزن دون تفسير=وشوفي عمأ .. وعيون عقلي بصيره
كيف أتبراء منك؟ وأرضيـك تقديـر=ليه أظلمك والوقـت ميّـت ضميـره
خذني معك ..وأكتب حياتـي مشاويـر=وسولف لهم .. عنـي بكـل السريـره
أنا كذا.. ربـي خلقنـي كـذا .. غيـر=ياشـرهـة الوقـت .. التعيس الأخيـره

فجر الأماني غير..واحكايتـك غيـر=ياهل تـرى للغيـر باقـي مسيـره؟
كنت أحسب أن "الغير " ضمن المسايير=أثره مقيم ولا علـى الأرض غيـره

.......................


عندما تأتي حكايات القدر أيا كانت على عكس سير الأماني

يبقى السؤال عن طول مسافات العناء في سكة الصبرالمتردد في مواصلة الطريق..

حتي تتلاشى ضبابية الموقف وتتجلى حقيقة المصير الدائم ..

القدير الشاعر صالح الضاحي

من على شواطئ هذا النص أعترف بعدم القدره

على الغوص في أعماقه (والفكرغالي على صاحبه )

ورحم الله قارئ عرف قدر فكره..

للقراءه ياسيدي آفاق تنتهي دون أن تدرك

مآلات هذا النص الغني بالشعر..وبكل شئ

ولكن عذري أن شاعره العملاق

صالح الضويحي..

شكرا كما يليق بشموخ الشعر

تحياتي وتقديري