المبدع خالد
كما قال بدر الحنيف محجوووووز يارائع
شاعر جزل وتستحق الاعجاب والتصفيق لك
رائعه ياخالد
البارحه ... ليله .. سوالفها .. تطول
____________________ تقدر تقول .. مطيّنه .. من .. ساسها
ان قلت شينه .. قلت لك .. تقدر تقول
____________________ وان قلت زينه .. قلت لك من ناسها
ليله .. ولا تقبل .. بأنصاف .. الحلول
____________________ يالعن ابو.. اللي حطني .. في راسها
اول دقايقها مشت .. حسب الأصول
____________________ ماادري وش اللي .. بالنهاية حاسها
( ابطال قصتها ) انا .. وام الحجول
____________________ الجادل اللي جت .. تدن .. اجراسها
جتني وهي بين .. التمنع .. والقبول
____________________ ومن .. الخجل .. تعثّرت .. بلباسها
غضّة .. لطيفه .. ناعمه ترفه جفول
____________________ ماغير ( مامتها ) .. فلا احدٍ باسها
ترسم على وجهي .. تقاسيم الذهول
____________________ وتعطّر .. اجواء .. المكان انفاسها
يعني وانا عاقل وحسّاس .. وخجول
____________________ ( عمّت عليّه ) .. سلهمت نعّاسها
لين افتقدت .. السيطره .. والكنترول
____________________ سبّة .. مفاتنها .. وقوة .. باسها
قلت اتفطّن في .. احاديث .. الرسول
____________________ واكبح .. شياطينٍ .. بدا وسواسها
ودي ..
اكملها ..
ولكن ..
ويش أقول :
____________________ آخاف لا اجرح بالقصيد احساسها
تقبل تحياتي واعجابي
"