سلامة الجعفري
الا من يدور لي سعوط المجانين = اشوفه تقل ناوي بقطع العلاقه
انا اشتاق له لو غيبته بس يومين= ياعله بخير ولايموت اشتياقه
سعوط المجانين
الا مرحبا بالشاعر اللي له سنين = يدور علي زله وينهي الصداقه
عسى الله يعين قلوب بعض المحبين = تبادل بعضها ورود من كل باقه
سلامة الجعفري
صداقتك شاريها على العسر واللين = ولكن ّ خل البال باخر رواقه
يقولون جاز بزين لمقدم الزين = ونيتك لايفنح لها ابليس طاقه
سعوط المجانين
لو الناس قالولك تخيّر من امرين = بعير العرب ولا ثمانين ناقه ؟
سلامه بعد ماصار له فوق شهرين = ترك ديرة المصري لخاطر عراقه
سلامة الجعفري
اسوق الجمل قدام سوق الثمانين = وعندي على مااقول قدره وطاقه
يازينك تسوي عند مصريك راسين= على شان مايحجب عليك البطاقه
سعوط المجانين
ترى المصري اعطاني ولايه ببرلين = ورفضت ورح انشد كل ذيك الرفاقه
يالولا اسم ذاك البلد ياحمر العين = مانجلس ربع ساعه ابداخل رواقه
سلامة الجعفري
انا خابرك باول وخابرك هلحين = منافق ومثلك مايخلي نفاقه
كما الهندي اللي قال مسكين مسكين = وهو هز راسه ناوي ٍ له سراقه
سعوط المجانين
ترى الريح ماهزت ثبات الضلاعين = وبعض العرب ينقصه عرف ولباقه
لو تزيّن المنطق ترى منطقك شين = بجل العلوم المبطيه والدقاقه
سلامة الجعفري
ترى اهل المعرفه ماتزل القوانين= والاحمق يموت ولايكب الحماقه
الا ياصحيبي تمشي يسار ويمين = علامك بدرب الناس عودت عاقه
سعوط المجانين
علينا غديت اسواة نكبة فلسطين = ياعنك الرجل لازل مااطيب فراقه
ترى لامشينا دروب نمشي على الدين = ولا نلتفت لهروج فيها لفاقه