السـلام عليـكم ورحمـه الله وبركآتــه ..
..
من اجمل قصائده ,,
العالم المجهـول وش دخلـك فيـه = ردي ترى ماني للأشـواق تمثـال
دامي بقايا إنسـان ليـه اشتريتيـه =ودامي طفل من علمك عشق الاطفال
لاتخجلينـي فـي كـلام المشاريـه =ولاتقتلينـي بالمواعـظ والأمثـال
انـا الجنـون بروعتـه وبمباديـه =يشقيك دربٍ معاندي كـل ماطـال
وانا الذي لو عذبـك مـا فهمتيـه =عشت اغتراب الحب شاعر ورحال
قولي خيالي ياخيالـي وأقـول إيـه =طبعي قبل لاأعرف طريقك ولا زال
اما اهجري ليل الغـرام ومساريـه =والا اقبليني مثل ماني بهـا الحـال
قلبي عذاب مصارع الوقـت يكفيـه =وبعض الحكي من بيننا عيب ينقـال
’’’
الرجوله
كان الرجولة بالمظاهر والاشكال=عزالله اني ماعرفت الرجوله
وكان الرجوله بالمواقف والافعال =عز الله اني مرتوي يالخجوله
ياجارحة احساس شاعر ورحال=غريب تايه من زمان الطفوله
ماكل من يكشخ من الناس رجال=الشخص جوهر وأفهمي ما اقوله
سطحية النظره ومعبودة المال=مايعجبك شكل الغريب ونحوله
شكلي غلط لكن على الكود حمال=ودرب الفخر نفسي عليه معلوله
والشاطر اللي يفتهم رمز الامثال=كم داس وقتك من سلايل جموله
لاني بمغرورٍ ولاني بحيال=لي روح عن باقي الخبول معزوله
باني لي اهدافٍ عظيمات وآمال=والغيم من شافه ترجى هطوله
ولايندمج درب الدناسه والافعال=والاصل يعرف من يتم بأصوله
الدليله
انــا يـاسـيــدي تـايــه صــراحــه مـــن ثــمــان سـنــيــن=تــرانــي صـــح لــكــنــي تــرانـــي واحــــدن ثــانـــي
لـــك الله مـاضــحــك قـلــبــي ولارفـــت بـفــرحــه عــيــن=اعـيــش الـكــل فــي كــل الــظــروف وعــشــت وحــدانــي
أنــا غـابــة حـــزن تـمــشــي ولا فــكــرت تــوقــف ويـــن=ولا وش صــابــنــي فــكـــرت ولا افــكـــر وش اخــطــانــي
غـديــت وكـنــت لـلـرحــل دلـيــلــه واســـأل الـنـاســيــن=وعـجــزت انـســى مـحـبـتـهــم واشــوف الـنــاس تـنـسـانــي
سـلام الله عـلـى الـصـحـبـه عـلـى الـمـاضــي عـلــى الـغـالـيــن=عـلــى اول يــوم احــس بـضـحـكـتــي مــن كـــل وجــدانــي
رســالــه لا عــتــب دعـــوه ورد اقــصــى خــفــاي آمــيــن=تــردوا لــي تـــرى حــزنــي كـثــيــر بـعــيــد ودانـــي
أحــس بـكــل مـايـخـطــر بــبــال الــلــي عـرفــتــه زيـــن=انـا الـمـجـنـي عـلـيـه بـهـالـقـضـيـه كـل ابـوهـا وانـا الـجـانـي
تـعـبــت وقـلــت بـرقـبـتــي نــذر لـلــه وحــالــف ديـــن=حـيــاتــي مــلــك مـــا يــرجــع لأي انــســان يـلـقــانــي
يآبنـــت الحلآل
تكفيـــن يآبنـــت الحلآل .. ارحميـني =انا غلـــط ولا البشـــر يا مقـآديـــر
احترت بالدنيــــآ وشآنـت سنيني =رآحــت حيآتي كل ابوهآ مشــآويـر
منهو انا أسأل سؤال(ن) يجينـي =ولا القى جوآب(ن) يقنع الروح والغيـر
انا الغموض وطآلبك فسـريني =طآل اجترآر الصمـــت يآصوت تبشـــير
أنـآ اللعآنهـ كلهآ وأفهميني =والعدل انا والحــب والحــق والخيــــــر
انآ الضعيــف وقوه الارض فيني =لآعـشت بالظلمآ ،، ولا مــن تفآسـير
تكفين [ يآوعد الخيآل ] اسمعيني =لا والله [ ارحل ] مثل مايرحل الطير