[فاطمه الجعفري]

مرني طيفك وطيفك صاحبي مدري عدوي ::: جايب ٍ صوتك وصوتك سكة الذكرى الحزينه

قال لي جوي تكدر قلت له مو كثر جوي ::: قال فرقانا غبينه قلت اكثر من غبينه

قال انا بموت من غيبتك قلي ويش اسوي ::: قال انا ابغى الموت في غبيتك قلي بس وينه

قبل يرحل كنت اقول بيسرح ايام ويضوي ::: مثل ماعودني اليا اشتقت له جابه حنينه

بس هالمره ثمان شهور وضلوعي تدوي ::: كل يوم اشتاق له يلعن ابو الشوق وسنينه

كل ماعشمت قلبي قال ياضلوعي تقوي ::: ورحت انا وياه نرقب رجعة اللي فاقدينه

نوب اقول ليا ارجع بكون في قمة هدوي ::: ونوب اقول الا ابزعل واتلى مابيني وبينه

كل يوم اجلس على جال البحر واقول توي ::: لاسألني : مافقدت الحلم في لمسة يدينه

مادريت ان البحر قال لا امواجه تروي ::: ومادريت ان الغرق هو حجة غياب السفينه

مادريت او مابغيت ادري ولاادري وش اسوي ::: لو رجعت وشفت طيفك بالممرات الحزينه

وين ابنسى وانت طيفك صاحبي مدري عدوي ::: مارضى يترك لغيره شبر واحد في المدينه