اقتباس:
المشاركة الأصلية كتبت بواسطة نفاع العنزي
الله يرحم شهداء غزة .. آمين
.
.
البوح .. في بعض المواقف غنيمة = والصمت .. ذل وعارنا صار عارين
نبكي انتصارات العصور القديمة = وتخضع لحانا بس طيب.. وبعدين
يا جرح .. شفت الدايرة مستقيمة = شيٍ تعلمته .. بظلم القوانين
حنا الخصيم اللي يقبّل خصيمه = وخصيمنا يلعن ثوانا.. له سنين
والجرح واحد ..والمصيبة عظيمة = والله برحم حالنا يا فلسطين
نبكي بحرقة والمشاعر حميمة = ونسلم الراية ونبكي على الدين
نبي الشهادة بس وين العزيمة ؟ = لاهين في دنيا الملذات لاهين
هذي الحقيقة والحقيقة أليمة = بلاش كذب وتريقة يا مساكين
خبث النوايا والمظاهر سليمة = هذي حقيقتنا .. حقيقة مجانين
خذنا مزاين في جمال البهيمة = وشفنا فلوس نهز فيها الميادين
ونسأل بعضنا والسما جف غيمه = ليه البويضا ما تجي في سنامين
ذي مسألة صعبة .. وجداً عقيمة = وما يحلها يا كود ناسٍ فطينين
ديدن ثقافتنا لميس وحليمة = وآحلامنا بالمختصر هي فلس .. طين
وآلامنا وجروحنا مستديمة = وآمالنا راحت على حرب تشرين
شف ذلنا بالقلب داخل صميمه = وشفنا قبايل بالملاقى عنيفين
والله لو تبقى النوايا سليمة = في ذمتي ما كان تبكي فلسطين
. |
المبدع نفاع العنزي ..
لله درك يا شيخ ..
ابدعت وشخصت المرض والحال واعطيت العلاج في بيت واحد :
والله لو تبقى النوايا سليمة ............. في ذمتي ما كان تبكي فلسطين
متى تزين النوايا ؟؟
تحياتي واعجابي يا نفاع ..
..