كل آدمي له عرف وإحساس وطبوع
وطبعا بنفسه الـف حالـه وحالـه
أحيان يصبح من رجا الوقت مقطوع
وأحيـان تختـال الأمانـي ببـالـه
لكـن إذا حـده زمانـه ل ممنـوع
يظهر وضوحه من خـلال إنفعالـه
وأنا إذا فكرت في صـوت مسمـوع
أحـاول أفكـر بعمـق ... وجـزالـه
عندي حقيقه ثابته بـأي موضـوع
ان التسـرع دايمـاً بـه جهـالـه
وإن الصبر يحمـد وتاليـه منفـوع
وإن الرجل يتعب لكسـب الجمالـه
وإن العزيز اللي عن العيب مرفـوع
يرفع عيونـه عـن مقـام الحثالـه
وإنه مثل ماللشجر غصـن وفـروع
تبقا التجـارب للرجـل راس مالـه
من تجربة شي ن له سنين مطبـوع
عرفت وشي راحتـي مـن خلالـه
عرق جبين الشخص بمحارب الجوع
أغلى ثمن مـن زعفـران البطالـه
للشاعر المبدع / سعود بن عبدالرحمن الرويلي