[خلف الغريب]

المشاركة الأصلية كتبت بواسطة طلال الايداء

اهدي لكــــــــــــــــم هذه المتواااضعــــه... وهي تعبر عن ذاااتهااااا.....
اليكــــــــــــــــــــم.....

ياليت بيدي انزع الهم وارتاح = ولا شوفني ضايق على اسباب صدك
اثر المحبه اخره غم وجراح = اشوفك تقفي ولا اقدر اردك
ياصبري اللي مانفع قلبي سلاح = استجدي اعزومه وعيا يهدك
حتى شموخي ماقوى صدتك طاح = بان انكساره يوم لوحت يدك
ياقو قلبك ماتزعزع ولاصاح = كنك تسَير وجهته كيف ودك
شفى العنا وشلون في جفني انساح = كن الفرح مازارني يوم بعدك
كل الوجيه بغيبتك صارت اشباح = كن طهرها ماله وطن غير خدك
عجزت ادورلك شبيهين وصحاح = مافيهم اللي بالمقامات قدك
يانور عيني كيف ذكراك تنزاح = لاصارت اشيائي القريبه تعدك
اقلها ثيابي اذا عطرها فاح = اتخيلك جنبي واشمه بيدك
وابدى اعيشك لالفى طيفك ولاح = واسهر معه في داخلي واستردك
عساك بغيابي تعيشين الافراح = وعسى الحزن ماياقف بيوم ضدك
واذا بغيت ترد في يوم ياصاااح = لا ياخذك بعض الشموخ ويردك

اطلالة شعرية ذات سمو وشعر حقيقي ..


ابدعت يا ابو سعود في هالمقطوعة الجميلة...

ياصبري اللي مانفع قلبي سلاح ....... استجدي اعزومه وعيا يهدك


روعة هذا الوصف لعجز الصبر ( السلاح )


وابدى اعيشك لالفى طيفك ولاح ...... واسهر معه في داخلي واستردك

حلوة بالحيل ( اسهر معه في داخلي )

حقيقة اجدني مقصرا في الاشادة بجمال هذا النص..

تحياتي طلال ودمت مبدعا..