يمه مشعل حاكني..!!!
ضاقت علي دنياي الوسيعه...
والقلم وهو القلم كرهت حبره ونزفه....
يادمعة ضاقت بعيني هات نزفك...!!!
علامه ضاق علي الليل بطوله...
يمه مشعل قولها مثل ماكنت ترددها
يمه يمه .....!!
صحيح ماني بالحقيقه أمك...!!!
لكن غصن القرابه ينحني لحبك...!!
ياصورة الطفوله....
يابسمة البراءه...
ياوجه العذوبه...!!
يازين بحت الصوت يوم اسمع منك ..!!
* أنا طيبه يمه..!!! *
قوم يمه اطرد المرض من فؤادك....
هاته يمه هاته والله لأشيله وأبعده عنك...
يمه راعني صوت المنبه وضعف دقاتك....
راعني بكاك وكثرة تلفاتك....
أشوفك بالصور والعين محرومه تشوف بسمة شفاتك...
ياأم مشعل قومي وادعي له بصلاتك....
قطعه مني هالولد يارب أحفظ أحبابك....
والله ماضاقت النفس إلا من رقدتك بفراشك...
تخنقني العبره ولا اقدر أبكي يالغالي غيابك...
خذ مني القلب والشريان وكل صحيح مني بس تشفى علاتك...
ماتحمل نومتك ماتحمل غمضة أهدابك...
(يمه تدين عندنا ) يازينها من شفاتك...
أمنتك الله يامشعل ياصرخة الحزن في بعادك...
قوم يمه قوم عسى الشفاء يصير فالك...