اقتباس:
المشاركة الأصلية كتبت بواسطة العليا
أماني القلوب تشبه أماني الأطفال الى حدا كبير ..
فهي تطلب الحلم وتنسى محال الواقع وكسرة الأيام
بوح على مفترق درب الأماني أتمنى أن يرتقي لذائقتكم الراقيه ...
:
:
طالبتك أن جت لحظه وافترقنا=لاتخلي وحدة(ن) تاخذ مكاني
ولاتخلي بيت عليا اللي بقلبك=به تعيش انثى ولو بضعة ثواني
ومعك أمانه يابعد حيي وميتي=لاجلست بجنبها غمض عشاني
وأذكر اني قلت لك ياروح روحي=أنت ملكي بس ماانت لحد ثاني
أنت قلب(ن) ماانخلق إلا لقلبي=وأنت روح(ن) نبعها سال وسقاني
وأنت لي وحدي ولا كثري يحبك=غير قلب(ن) في دروبك لك سباني
وكان وصلك ياأميري ماتهيا=أوعدك ماانساك لو عمري نساني
وكانها الايام جادت واجمعتنا=والله اني لااشعل سنينك أماني
واحتفل بك كل لحظه وأنت جنبي=وأعزف حروفي لخفاقك أغاني
وأنثر ورود الوله واسقيك لهفة=خافق(ن) لاغبت لحظه جاك عاني
وأجمع سنيني وأبعثرها بكفك=وأسرقك كلك هنا بين المحاني
وأفتدي روحك بروحي يااابعدهااا=وأنزع همومك وأطوقك بحناني
ماأبي برد الهموم بيوم يلفح=خاطرك وإلا تجي لحظه تعاني
هاااات همك في وسط جوفي وصبه=وكان به غيره تعال وصب ثاني
وأعطني قربك وانا بعطيك عمري=وأهدني لحظه وخذ كله زماني
ياأمنية عمري أذا قالوا تمني=ويااصدق أنسان(ن) بقلبه أحتواني
وياملاذي لا بكيت وضاق صدري=وياوطن عمري إذا عمري جفاني
ياحنون القلب ياتاجي وعزي=بك نسيت الناس والغيت المواني
ياهلي وناسي وكلي ياحيااااااتي=وياحواسي كلها دون إنقصاني
بك تشوف العين وأيضا فيك أسمع=وبك أحس الكون أفراح وتهاني
صرت أحس أمك هي أمي بس يفرق=أن ولدها ماهو من جملة اخواني
آآآآه منك ياولدها كيف روحي=سلمت لك نبضها حب وتفاني
وكيف قلبي عاف كل الخلق لجلك=وصار لجلك مجرم وأيضا أناني
أيه مجرم مايبي غيره يحبك=ولايبي عينك يشوفه مودماني
وأيه أناني مايبي فيك يتشارك=مع بشر بالكون لا قاصي وداني
وأيه أحبك وماأعيش بدون وصلك=وأيه أموت أموت في بعدك واعاني
وأيه كلي فدوتك من قلب اقوله=بس تكفى(لايجي غيري مكاني)
تقديري للجميع
|
لأني أنحاز بكاملي للجمال الشعري كفكره وكنص وليس كوزن وقافيه
فأنا أجدني أنحاز لهذه الراقيه بالفكر الشعري
كنت أثق بأن الشعر النسائي بخير
في زمن تذكار الخثلان
واغاريد السعوديه
وفيّ الشرقاوي
والأن أثق بدرجه أكبر
أن الشعر بألف خير
في زمن العليا
وزينب أل ياسين
وجمان
ومنال العتيبي
والحوراء بنت نجد
والعديد من الشاعرات القديرات
ـــــــــــــــــ
ختاماً وتعليقاً على فكرة النص
أقول أيتها الشاعره التي
تناجي حبيبيها
وتثير شجن المحبين
أينما كانوا وفي أي مكان تواجدوا
بهذا النص المشبع جمالاً
إن اتخذ في مكانك غيرك
فهو لايستحق منك ذرة حب
فأنتي وفيّه له
لذلك من الواجب أن يكون
وفياً لك
فالوفاء جزائه الوفاء
في زمن موت الاوفياء
عذراً للإطاله
ولكن نصك أثار شجوني بالكامل
لأنه بالفعل
رمى حجراً في مياهي
الراكده منذ زمن
وقد لامس جرحاً نائماً فأيقظه