على لسان انثى
لوكان مالي بالحياه اختيارات=الا خيار الموت . يصعب عليه
اليا اعتمت شبيت بالصدر الآهات=وضميت وجهي في خناجر يديه
ياما تمنى حلم عمري ولا مات=وياما ا شرقت شمسي على غياب ضيه
وياما انكتبت بصفحة الشعر عبرات=وياما قرتني كل عين بشهيه
كل السكك فيها المآسي محطات=وانا قطعت الوقت روحه وجيه
لو الحكي يرمى على دكة سكات=تبقى طباشير الشعر في يديه
يامن غدا تابوت واحساسه اموات=اقلط على ضلوعي ترى النار حيه
خلني اعيش الموت ولا العمر فات=ان كان باقي في حنانك بقيه
تعبت ادور للسؤال الإجابات=ليه انحسب بحساب غيري هديه ؟؟
( ما عاد باقي با الحياه اختيارات =ما دام حتى الموت يصعب عليه )
علي السابل