ليا متى نرضى على الضيم ونضيم
وليا متى نبقى على الحال بخصـام
راكب ٍ في روسنا ابليـس الرجيـم
ولا بقـى فينـا مـوده واحتـرام
أن سكتنـا كـن مافينـا حلـيـم
وان تكلمنا "على الدنيا السـلام"!!!
مامشينـا بالصـراط المستقـيـم
ولا تعلمنـا المـعـزه والـوئـام
ناكـل بلحم"الصداقـه" مـن قديـم
لين صـار اللحـم بيدينـا عظـام
نركـز رمـاح العـداوه بالصميـم
ولايسوي أفعالنا "ولـد الحـرام "!!
راينـا يبقـى مثـل راي الغشيـم
مانعرف الهرج واسلـوب الكـلام
كل منا حـط فـي عينـه خصيـم
أن صحى به سـب وإلا مـا ينـام
كن مافي ضلوعنـا قلـب ٍ رحيـم
وكن مافينا على الذمـه" لجـام"!!
فـي بعضنـا لا نحـط ولا نقـيـم
لين تشرب من مواردنـا الحيـااام
من يقول"العقل بالجسـم السليـم"
يعـرف ان العقـل مافـاد النعـام
نستلـذ الهـرج بالليـل العتـيـم
ونستغل الضرب من تحت الحزام !!
الفهيـم الخبـل والخبـل الفهيـم
واختلط بالحابـل النابـل ..سهـام
من بقى يرجي ورى عقل ٍ سقيـم
مثل من يرجي ورى الكافر صيام !!
أن خذلنـي الظـن والله العلـيـم
لين يطري الموت مافينـا أنسجـام
ويلكم يانـاس مـن نـار الجحيـم
ترفضون الوصل لعنـاد السـلااام
يابشـر مامـات برعانـا اليتيـم
وعلمنا واضح مثـل بـدر التمـام
كم ورثنا الصيت من فعل ٍ عظيـم
وكم لنا بالمجـد رايـات وسنـام
أن تركنا الغيض عشنا فـي نعيـم
وأن تبعنا الكره متنا فـي خصـام
الراااااااااائع الشاااااااااااااعر / سعود العواجي
لله درك ياسعود
صح السانك
ولاهنت
ليس هنااااااك مايمكن قوله
فمــا في الاعلى الا اعلى من الشعر
لذلك كتابة تعقيب او اطراء بحجم هذا النص
أمر صعب وصعب جداً
كل حرف في هذه المقاطع جاء في مكانه
المناسب ليمزج الشعور بالمشاعر والنصيحه والارشاد لينتج شعراً جميلاً
سعود الأرض حبلى بالخير والوئام مادام انت وامثالك موجودين للرشد .. ادامك الله
هذا شعر محترف / مختلف لاستاذ اسمه سعوووود العواجي
طاب مقامك بين ضلوعي ياسعود
لك الحب كل الحب
أخوك / ابراهيم الغضوري