نور الحشى عقب الجفى وش جابه=وعامـين جـرحه بالحشى ما طابي
عـامـيـن يكـويـنـي بـجـمــر غـيــابـه=كـني طريح(ن)عـقب ناب الدابي
والـداب ويـل اللي وقــع مـن نـابـه=لو مـاوقـع بالـقـبـر جـسـمـه عـابي
حـال الـذي يـفـقــد عـزيـز احـبابه=لا حـال دون الزين قـفـل الـبـابي
مع عـالـم(ن)تـفـتل عـلـيـه اشـنـابه=مـتـلــثــم(ن)يـزمـر تـقــول ارهــابي
لـو تـقـتــرب حـولـه رفـع مـصــلابـه=ولا تاصله لـو جـيـت داره سابي
والـريـم غــره ريـــح عـطــر ثـيــابـه=وظني بهـا عـقـب الـوعـايد خـابي
قلت العهد قالت حسبت حسابه=قلت السبب قالت كـتـبت كتـابي
وهـقـيـت شـمـسـي في هواها غابه=وافلست من شوفة عيون احبابي
وعامـيـن يسـطـي بالحـشى مضرابه=واكتم جروحي عن عـيـون اصحابي
مابـي جـروحـي بالـمـلا يـدرى بـه=لين الخـفـوق بوسط صـدري ذابي
تـمـشـط شـعـرهـا في جميل اطيابه=وانـا شـعــر راسـي بـهـجـره شـابي
والـيــوم جـتـنــي بـالـحــلا جــذابــه=ونـسـيت بـعــض عـتــابـها وعـتـابي
قلبي رجـف مدري وش اللي صابه=يـشـبـه شـعـور وفـرحــة الـمـرتـابي
وش فـيــه دام جـروحـنـا بـأسـبـابه=والا الخـفـوق من الـهـوى ما تابي
يـاعـيـن حــر(ن)فــاع مـن مـرقـــابه=يـمـنـــاه تـنـقــل لـلـطـعـون حــرابي
يـوم اعـتـلــى الصيـده شـهـر مخـلابه=وحاش الحـبـاري بالفـياض اسرابي
اللعب مـحـد(ن)بالـعـرب يرضـى به=شوفي عذاب الهجر وش سوى بي
هـاتـي وفــاء الـخــفـاق دون طـلابــه=من شـان احـدد موقـعـي واعرابي
والا هــدمــنــــا خـيـــمـتــك واطـنـــابـه=وان ضقت راح ازبن على محـرابي