موسى
صح لسانك
بليووووووووووووون
ومن منطلق اذا بغيت تجزاه اظهر ثناه
بيض الله وجهك والشيخ ابو فهد يستاهل
وهو غني عن التعريف مثل نارٍ على علم
==========================
الي شيخ متعب ابن مدبغ الكويكبي الرويلي
==========================
يا راكب الي كملو فيه الاوصاف
----------------جيبٍ جديد ولا يهاب الفيافي
كنه سفينه والحجر حدره اصداف
-------------- منوة غني النفس لاصار حافي
يلفي علي الي بالموا جيب مزهاف
--------------- شيخٍ من الويلان بطيب نافي
من لاذ في ظله عن الشمس ماخاف
------------ ظله علي ضعوف المخاليق ضافي
كم ضايقٍ جاله الياعد ما شاف
--------------من قولة اقلط لين قولة عوافي
ما كثرة اعذاره ولا زادها حلاف
-------------- وافي ولا مثله مع الناس وافي
متعب ولد مدبغ ويسترسل القاف
--------------- هذا الذي ترهم عليه القوافي
شيخٍ من شيوخ العرب كلها ناف
--------------- عسى جنابه ما يجيه الخلافي
مثل النهر ما نقصه كل غراف
--------------- يزود طاشه بالسنين العجافي
من لاشهد لك بالكرم مابه انصاف
-------------- هافي نسب بين الرجاجيل هافي
قصدي شكر ياسيدي مالي اهداف
---------------- حبيت ابين بالقصيد اعترافي
لولا كرمك الحاتمي كيف ابنضاف
------------- في مجلسٍ ماهو على الناس خافي
من صرت في ظلك وانا مابي خلاف
---------------- والحمد لله جـنبتني السوافي
من مد كفك صرت في خير وارياف
----------------- انقذتني ياسيدي من المهافي
الفزعه اللي غير فزعتك تنعاف
-------------- فرضٍ علي اشكرك لو كنت غافي
لك وافر الو د والمحبه