اقتباس:
المشاركة الأصلية كتبت بواسطة عمر الأسمر البنتان
ليّن العود تلعب به النود = ياطريح القلم والكتابة
بالحشا خيل مع صوت بارود = والغرابة تمّل من الغرابة
أكذب إن قلت لك ضايق وملهود = صدري ببعده يخاف الرحابة
وأكذب إن قلت لك بالحيل مقرود = القرادة تزحزحها الكآبة
لاتقول الوصال سهود ومهود = هو بجنبي وعدي من صحابه
ودي أروى وبشفاهه عدود = بس أخافه ولاقوى عتابه
أتشوقه وأبعد عنه وأعود = علني مافقد مقابل جنابه
راح ماهو على فرقاي محدود = ذنبه اللي صعيبن إرتكابه
الغلا والوفاء وحروفه شهود = والسهر وأصوات عوي الذيابة
واحدن لاحضر يطربك ياسعود = وواحدن يبعث لداري جوابه
مبعد وذكره مخلد وموجود = ياعسى مايطّول في غيابه
|
الرائع عمر ...
مشاعر وشعر راقي وبحر يطرب الاذن ..
عودتنا دائما على هذا الجمال فلله درك يا عمر ..
تحياتي وودي ..