[محمد العاند]

انا ليا ضاقت عليه عارف نوي=اضرب على الكايد اللي ما تمنيته
اسري الظلام وظلام الليل هو ضوي=آطا الصعيبة ولا به من ترجيته
عزيز مهجة ونظراتي على علوي=واللي يجي من تحت رجلي توطيته
وكان الليالي تبي تظلم على جوي=انا العنيد وزماني قد تحديته
ماهمني لو مشيت الدرب متلوي=ما اخاف دربي مادام اني توليته
ما هو بأنا اللي يسب الحظ ويعوي=وان فات فايت علي ما قلت يا ليته
يقول اسوي ولكن ماهو مسوي=اخف نسمة تطفي نار كبريته
ما كل من عاش في دنياه متقوي=والامر للي ليامن ضقت ناديته