بحياتنـا للـمـورده ماطلبـنـا = والرزق عند الله منشـي سحابـه
لزوادهـا ونقوصهـا ماحسبنـا = يالله برزقـاَ وانـت فتـاح بابـه
الجار ماعمـره بالملامـه لحقنـا = عنزه على الجيران حليـب ناقـه
يامـا قلطنـا جارنـا وانفهقنـا = وياما عطينا جارنا مـن شفاقـه
وياما على الجيران نكمى غضبنا = الجـار يابـده جديـدا افـراقـه
الا ومـع ذلـك عزيـزاً نسبنـا = نسيبنـا مانباشـره بالطـلابـه
ولايشكي كثر الدين بسبة طلبنـا = يومٍ ردي السـاس بنتـه جلابـه
جعافـره علـى النفايـل سبقنـا = قرو لنا الاجنـاب هـم والرفاقـه
ولاعمر بنت الجار معها نصبنـا = نبعد عن درب الخـزى والخنابـه
الياصاح شيخ الولد عنده حزبنـا = مساكن الويـلان نعـذي جنابـه
كسب النفايل والجميلـه طربنـا = وم الـردي متريحـاً ماحكابـه
ولاحنا الـي تـو بالحكـم طبنـا = حنا هل الجدعاء عمود الحرابـه
ياشبوا نار الحرب حنـا حربنـا = ياما وطينا مـن رجـال المهابـه
وياما والله من الحمائـل ودبنـا = بالسيف يوم انا قاضبيناً نصابـه
نعجبك اليامنـا عليهـن ركبنـا = من فوق سرج ٍ مثل خيل الصحابه
ماشفت يوم انا للخريشاء نهبنـا = بليلة دجى متكونـاً مـن سرابـه
وكم واحداً بالمعركه مـن سببنـا = تقاطعنـه مقـويـات الذيـابـه
ومن دولة العثمان جبنـا حسبنـا = يومٍ صيحة زيـدان كـلٍ درابـه
وياما غلبنا القوم ويامـا أغلبنـا = ويخيـس رجـلٍ مايلبـا جوابـه
اليـن بمـدح ربوعنـا ماكذبنـا = الكذب وبيت الكذب يصبح خرابـه
الاخ العزيز/ هندي المقبل
بيض الله وجهك على هذا النقل الرائع والرواية الطيبة
لهذه القصة الجميلة
التي تدل على ما يتمتع به ابناء عنزة من كرم وشيم
ولاهي غريبه على أبو متعب رحمة الله عليه
تقبل تحياتي واحترامي