هذه القصيدة حول الاحداث بعد فتوى فضيلة الشيخ / صالح بن محمد اللحيدان
رئيس مجلس القضاء الاعلي وعضو هيئة كبار العلماء حفظه الله
وماقام به بني علمان من اثارت الفتنة والتشكيك بفضيلة الشيخ وبمكانته العلمية
بني علمان طارو بالفتاوي =هل الفتنه مسببت الدعاوي
تبي تقدح بسيرة شيخ فاضل =ولكن مثلهم ماهوب قاوي
خذت نصف الحكي من دون نصفه=تأوّل ماتريده للعماوي
لجل تشفي غليل الغرب فينا=تحقق ماتريده من بلاوي
تبي تزرع بنا داء (التعلمن) =تبث سموم في كل النحاوي
تشكك بالرموز وبالمشايخ =رجال الدين تلحقهم شكاوي
تجي كتّابهم ياشيخ تنقد =فضيلتكم وتشرع بالحكاوي
تحوّر ماتريده من قضايا= حسب ماتشتهي من دون تاوي
لو ان بكيفهم بالارض تحكم =بشرع ٍ ماهو بشرع ٍ سماوي
لو ان بكيفهم تسمح وتمنح =بخلط رجالها ويا النساوي
ترى ياشيخ صالح مايهزك= نباح اللي تنابح وانت عاوي
خفافيش ٍ الظلام الي تمرك =ومثلك شامخا ً مثل النداوي
سماحتكم ترى قدره تعلّى =تعلّى فوق نمت كل غاوي
قضيت العمر في سلك التعلم =طلبت العلم من يوم القراوي
ترى ماضركم ياشيخ صالح =مدام انك على نهج امتساوي
وحنا معكم بظل القيادة =ثلاثه نثبت بكل الخطاوي