مساكم الله بالخير
مصافحه اولى اتمنى ان تحوز على رضائكم
/
/
/
ـــــــــــــــــــــــــــــ
يالله عسى شمس الضحى ماتغيبي=تشرق على عناز وعيال وايل
اللابه. اللي.. ما تهاب ..الحريبي=تاريخهم يشهد وفيه الدلايل
افخر بربعي.. مدحهم.. ما يعيبي=كسابة الطولات اهل النفايل
شجعان من شجعان ما فيه ريبي=ما همهم وقت اللقا كل عايل
لا راغة الاذهان بامر((ن)) عصيبي=الروح ترخص والفعايل فعايل
لاجل الوطن.. حنا نطيع ونجيبي=للقايد الاعلى كريم السلايل
ابن الملوك ومن سلايل عريبي=اللي يعدل كل من كان مايل
عبدالله اللي في صفاته. حبيبي =قايد مسيرتنا ومثله قلايل
وولي عهده كل طيبه.. يطيبي=سلطان خير ومنه الخير نايل
وقبل الختام اقول يالله تجيبي=تحفظ وطنا من عدون وعايل
عواد الرغيان