بسم الله الرحمن الرحيم
اخواني مشرفي واعضاء وزوار شبكة ويلااان العربية
السلام عليكم ورحمة الله وبركاته
كما وعدتكم بالجديد ها انا اضع بين ايديكم
هذه القصيدة وهي في مدينتنا الغالية
[[ سميــراء ]] التابعة لمنطقة حائل
املا ان تحوز على رضاكم واستحسانكم
لي ديرة ( ن ) شامخة مابين ذيك الهضاب=بشرقي حايل تراها ديرتي يابعدي
ديرة جدودي وربعي طيبين الجناب=فعولهم واضحة عزٍ وكفٍ ندي
شجعان اهلها وفيهم فزعةٍ لها تهاب=بهم الكرم من قديمٍ دايمٍ ياسندي
حازو دروب المراجل شيبهم والشباب=ربعك جلاعيد ورايتهم بياض بردي
دهامشة لانتخوا ماحسبوا للصعاب=من اولاد وايل قبيلة سم للمعتدي
وكل القبايل عزيزة لهم قدر وحباب=نعمٍ شخوص الحمايل ولابهم من ردي
هذي سميراء سميراء فوق هام السحاب=عندي غلاها بقلبي وافي ياولدي
شفت القصور الشوامخ وسط ذيك الشعاب=ذكرت ترحيب اهلها في زمان مدي
هلت دموعي بواكي في خدي سراب=يالله ترحم اهلها وللصراط تهدي
والختم صلوا على اشرف من وطاء بالتراب=محمد شفيعٍ لخلقه وسنته مشهدي
شعر اخوكم
راعي سميراء
ابراهيم بن عبدالله الجلعــود
24 | 7 | 1429هــ