ياللي تدور من ورا فلان و فلان=خلك بحالك و البشر في جهتها
لا تدخل بدوامة الهرج من شان=بعض البشر مقصدك في زعزعتها
الناس تمشي و الضغينه بالاحسان=تصفح لو ان السالفه موجعتها
الناس تصبر و الصبر بعض الاحيان=له حد و الضيقه تجي مسألتها
صحيح انا شاعر و اغني بالالحان=لكن بيوت الشعر كفي طوتها
اخاطب العالم على عقل و لسان=واقيس خطواتي على خارطتها
مكانتي تفرض علي كل ما كان=و نفسي ترد اللي يهز قاعدتها
ثابت و ارد النفس عن كل شيطان=و ارفض اكون الوجبه بمأدبتها
والناس ما تترك بعضها بالاوطان=ما يتركون السلم في منطقتها
اكتب قصيدي والقلم كله احزان=من يوم كفي جددت سالفتها
يا حمود قلي و ش بلا فلان وفلان=الناس نتعب من بعد زوبعتها
وانا صبور و عند الاجواد لي شان=ما ضقت انا لو كبرو مشكلتها