هذه قصيده وجهها الشيخ يحيا بن خليفه لي وردّي عليها أحببت أن اطرحها بين أيديكم أملاً من الله أن تحوز على إستحسانك
سلام منّي لبيض الوجه مخصوص= النّومسي ماضي سلامي يخصّه
سلام ٍ أحلا من لبن شامخ العوص=عوصى مراتعها نفودٍوجصّه
بعد السلام أوصيك عن نذل ولصوص=وباب الوصل عن سامج الوجه لصّه
لصّه وشارب ناقص الفعل مقصوص=ودّك خبيث القلب حلقه تتصّه
لن المرض به بين الأضلاع وفصوص=وحنّا دواه وداه وللضدّ غصّه
عدوّنا دايم على الكبد مرهوص=من فعلنا سمّ الأفاعي يمصّه
والخَلق فيها أجناس وألوان وشنوص=ومن طاح حضّه كل شخصٍ يهصّه
والله جعل بالناس وافي ومنقوص=وخدّاع يراوغ في سلوبه ونصّه
وقت الرخى بالسيف لروس قاصوص=وقت اللوازم يختفي عند حصّه
ياكثر مايوعدك وياكثر مايحوص=مع عالم القصّه تبجّح بقصّه
وأنا عرفت وشفت بالناس مقروص=ولافاد عظمٍ مختلف عن مفصّه
ولاتبني الفكره على راس برخوص=وغصن العْشَرمافاد لوكان رصّه
ماأنته على باب الحقيرين مرصوص= (وفيصل) عن الأنذال قلّة ووصّه
ردي على الشيخ يحيا بن خليفه مع التحيّه
حي السلام اللي به النصّ منصوص=حيّه وحي اللي نصاني بنصّه
نصّ ٍ عن الزلات محكم ومفحوص=من شاعرٍ جزل المعاني يحصّه
سبّاح متمكّن ودكتور بالغوص= كم جاب من غبات الأبحار حصّه
يرمي على الحبّه للهداف قانوص=عظم المعادي لا وقفله يقصّه
وافي إلى منّه نقص كل منقوص=يعطي لراع الصاع صاعه ونصّه
يرفع مقامه عن هل الخوض والخوص=وأهل العلوم الخايبه ماتخصّه
يموص فنجاله عن أيمانهم موص=راع الردى من دلّته مايمصّه
اللي تقل بأعراض الأجواد مرخوص=يطلق لسانه بالعباد ومقصّه
عفنً عن الواجب مراوغ ومالوص=تلقاه ملحٍ ذوّب المي فصّه
يحيا حفيد إمزبّنة كلّ مرصوص=زبن الدخيل اللي راع الدين رصّه
رصّه وهو كنّه من الغيض مقروص= قريص دابٍ بين الأنياب شصّه
قال الخلا وأقفى من الحزن مخبوص= ماياصله لوهو بعينه يبصّه