°~*¤®§(§ شبـــكة ويــلان العـربـيـه §)§®¤*~ˆ° - عرض مشاركة واحدة

**المسيكي** · 18/08/05, (10:41 PM)

لفت انتباهي بالدياوين عنوان =وكل الخطوط المبهمه له قرينا
لاشك اشوفه صاير اليوم بنيان=ثلاث سنين ٍ فايته له نسينا
ساسه مبيّن لو تولوه مابان=وهي كلمة نقولها ولا انثنينا
اللي جفاك مقابلك له نقصان=واللي زلهنا نزلهه ولا علينا
ماهمني راع التماثيل كوبان= فيد المسفه والردي مايجينا
مابين خلق الله قالوا دليقان=وانشهد انه صدق شي ٍ يقينا
بعض العرب مذكور سم ٍ وثعبان=بوسط الخمايل ملتوي مايبينا
يجيك ماتدري من ايات مزبان=خله يولي وعدّنا ماطرينا
وان عاضبت ندق راسه وينهان=ونرميه مثل الغير يوم ٍ رمينا
هذاك وصفه ينطبق شي باتقان=يم القلوب المبغضه واللعينا
الحقد وسطه شايل ٍ خمسة اطنان=ظلاّم حظه والردى له عوينا
العفن والهلباس مذكور بامهان=لو يدّعي بالطيب حنا درينا
ماهمنا لو كان منهو ولد كان=نمشي بيان ٍ ويمّهم ماعدينا
ولاشك قول الزور مذكور حقران=والحق حق ويرتكز بالرزينا
وهرج السعه يروح لاحل الايقان=مثل الشمال وتنفرق عن يمينا

فهد عبدالعزيز السبيعي العنزي

,,,,,,,,,,,,,,,,,,,,

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,و

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,