جيت اقدم لك علـى كفـي هديـه=ما ملكها قبلـك اي انسـان ثانـي
ماهي بـورده ولاهـي مزهريـة=قلب يحمل بالوفـا كـل المعانـي
اقبلـيـه ولا تجازيـنـه بكـيـه=والله انه بالغلا مـا صـار انانـي
كل ساعة فـي غيابـك ياجوديـه=يحسب حساب الدقايـق والثوانـي
كل نبضـه فيـه رعـاد برديـه=وكل وقفه فيه تبني لـك موانـي
وكل ضلعٍ عن سموم القيض فيـه=ريحي مابيـن قلبـي والمحانـي
يـا كحيلـه وش تركتـي للعبيـه=ماتركتي شي يابنـت الحصانـي
ان وقفتي بين ذيـك وبيـن ذيـه=في شموخك كنك سهيـل اليمانـي
وفي دنـوك ياكحيلـه عسجديـه=والذهب يبقى على مـر الزمانـي
فاح لك شعري سـوات الشاذلة= يوم فاحت فاح ريـح الزعفرانـي
وهبت رياح القصيـد الموسميـه=واستباحت صمتي وهزت كيانـي
جبته هجينـي وجبتـه سامريـه=والله انه لجل عينك مـا عصانـي
جاك متواضـع وعـذره يابدويـه=انك اسما من حمل كـل المعانـي
واقبلي عذري وابي اعطي لك هدية=مـا ملكهـا لافـلان ولافـلانـي
وفالنهايـة ياكحيـلـة يالعبـيـه=ابحري بي دام كلي لـك موانـي