[عبدالله غضيان]

كل(ن) يروح ولا يبقى غير طرياه=أما ذكر بخير ولا بشرا
كنه من أهل الطيب كل(ن)تمناه=لنه على دروب المراجل تجرا
حر(ن)اليا من ضامك الوقت تنصاه=كل(ن)بطيبه معترف وأستقرا
حق الخوي والجار ما عاد ينساه=وبيته لعصمان الشوارب مقرا
والحر يطلع لو حصل له معاناه=مايخيب من يرجى العشاء ويتحرا
وكنه ردي لو راح يا زين فرقاه=ما هو فقيده لو كشخ أو تمرا
يا عاد ما يفزع ولا يعز من جاه=خله يولي لازم منه تبرا
ترا الردي مثل الخرابه حلاياه=لا جاء المطر والبرد قامت تخرا
من باعنا بريال في نص بعناه=ميفيد لو جاملت ولا تدرا
يا عاد ما جاه الخطاء منك معناه=أنه على درب العفانه تورا
وقالو لنا أن الماء يعود لمجراه=وقلنا صحيح ويعكس البرد حرا