[نايف الفدعاني]

الى كل من يحارب الطيب وأهله

تبي تعرف شلون صاحبك صاحبك=يحس ظرفك قبل لا تشتكيله
وتبي تعرف ان الدهر كيف ناكبك=الحيله اللي في يدك مستحيله
وتبي تعرف شلون شابرك شاربك=مكانتك بالناس موقد فتيله
لامن طلبت الطيب حقق مطالبك=والطيب دربه مايعرف الفشيله
اصمد على الميلات احذر لا تغلبك=وطنش همومك لو تبين حصيله
لو يسألك همك نوى بك يعاتبك =كم لي وأنا اتبعك مده طويله
اضحك لهمك لو يجيلك يحاسبك=قله ترى ما عاد قلبي يشيله
منهو يبي ضرك ترى دوم يرقبك=يبي على ضرك وضيقك وسيله
لا طاب قلبك للملا دوم تقلبك=كم من جميل ن صار اكبر رزيله
عاداتكم لاتقول بالغصب تسحبك=ولا تقول فطره في حدينا فسيله
اذا خويك كفو تفداه ماأتعبك=فدوته وقتك راحتك بأي ميله
ترخصله الروح ان عليها تقاربك=من عاملك بالطيب خلك مثيله
خل القلم بايدينهم طيب يكتبك=تعجز يدين الحسد تقدر تزيله
لا تآكل الصيده سوى من مخالبك=تراك لو تشبع تجيك العليله
وغير القراح الزل لايكون مشربك=لو راحت الروح الجليله خليله
ولاجاك من يشناك لاتمد غاربك=دمك لو بكيفه قسم لا يسيله
احمد الآهك ربنا ويش واهبك=عن غيره من الناس زادك فضيله
احذر تخلي منصبك غصبك نصبك=تفرض على المحتاج حاجه ثقيله
كل المشاكل لو تفكر تدربك=من حكمها تاخذ مواعض جليله
الحظ لو هو طاح ما صاح يندبك=لو طاح أنا أشهد طالبك في مقيله
من يصدقك لو يشتمك نعم يكسبك=يسوى من اللي يضحكولك مليله
في مجلسك شاهدك لا قمت كذبك=و لا من وصلك العلم كذب نقيله
يقربك في جيتك لا أقفيت حاربك=عينه طويله في وجودك ذليله
وجدي على اللي لا نخيته بيطربك=يشفي غليلك لو قبيلك قبيله
لو كان ينزف شاف نزفك يطببك=يخاف من قولت خويه عقيله
كانك تحيد اعن الملازيم يضربك=دينه ودين ان شاف دربك رذيله
هذاك خرعت من يحاول يغللبك=طاريه بس طاريه كننك تخيله
يعني بذكر الطيب لا غبت نايبك=فعلك دليلك بالمجالس كفيله
حتى عدووك غصب عنه تهايبك=لو سال ظلمه فاضت أرضه بسيله
لا من رضيت أمك رضى عنك شايبك=يحميك ربك من يكيد الك حيله
طيبك طبيبك دايم الدوم ثايبك=جزاك في ذكراك بعيون جيله
أسمك يا أن الوقت يجرأ ويشطبك=وإلا دليل العز اسمك بديله

اخوكم


نايف الفدعاني