عندما تسمع عن شخص قد رحل ولم يبقى الا ذكره الطيب
تتمنى انك قد عايشت عصره وجيله لأنه اصبح بمثابة القدوه اللتي تقتدي بها
فما بالك وان كان هذا المذكور جدك ,,,؟
لا أطيل عليكم ولكم هذا البوح ,,,
لا يا وجودي وجد سالـم علـى كليـب=اللـي قفـاه الرمـح مـن وْلْـدْ عمـه
والا وجود اللي كسـى راسـه الشيـب=يبرك علـى رجليـه مـن ثقـل همـه
ولا يا وجودي وجد من يفعـل الطيـب=وجـازوه بالنكـران والضيـق سمـه
ولا يا وجودي من جروحـه معاطيـب=خلـوه ربعـه بعـد مـا سـاح دمـه
ولا يا وجودي وجد من شقًـت الجيـب=علـى ولدهـا وتنتشـي ريـح كـمـه
ولا يا وجودي كل مـا قلـت اباصيـب=يِقْطـع رشــا راي ٍ وراح بمجـمـه
ولا يـا وجـودي وجـد مثلـي يليـب=مـن قلـة الحيـلات شـاف المطمـه
ما هي بيدي ,, يا شوق غنج الغراشيب=ما هي بيدي ,, لا يا فخـر كـل عِمـه
ما هي بيدي ,, يا كاسب المدح والطيب=ما هي بيدي ,, يـا تـارك ٍ كـل نمـه
ما هي بيدي ,, يا عز قـرب واجانيـب=ما هي بيدي ,, يا اطهر من الفين ذمـه
ما هي بيدي ,, يا خاشع النفس يا منيب=لله ولا لغـيـره خضـعـت المْشـمـه
ما هي بيدي ,, دَرْج الدهر كالدواليـب=والا محاحـيـل الـرشـا للـمـزمـه
مـا يوفيـنًـك نــادرات الهنـاديـب=ومرحـوم ياللـي كـل فـرض ٍ تتمـه
والبارحـه يـوم المواجـع مقالـيـب=حبْرْ الشفـا مـن عضًهـن يـا مغمـه
عديت بالمشراف واقنـب كمـا الذيـب=علـى الـذي طيـر المقاديـر خـمـه
أغيب واوعى وافقـد الشـوف واغيـب=واجـضً وان صديـت شـرق ٍ ويمـه
ونثـرت دم ٍ مـن موقـي مساكـيـب=وعْجْـزَت يدينـي ناثـري لا تلـمـه
ويـا مزنـة ٍ غـرا تهملـع بتسكيـب=اليـا ضـرب هتانهـا الخـد .. طمـه
براقهـا سيـف ٍ ورعـادهـا مهـيـب=ويا كـن صوتـه مدفـع ٍ فـي مْهْمـه
والا هدير شعيـل مـن شمًـخ النيـب=والا صهيـل الخيـل بـارض ٍ ملْمـه
تمطر على قبـر (النجـادي) تثاويـب=ومرحـوم ياللـي كـل فـرض ٍ تتمـه
ويا قاع ضمي مـن رمتـه المكاتيـب=ويالله ضمه مـع هـل الخيـر ضمـه
فرحمة الله على موتانا وموتى المسلمين ,,,
